भित्ता बोल्छ ! (तस्विरहरु)

सडकमा हिड्दा, सवारी साधनमा यात्रा गर्दा अचेल सडक छेउका भित्तामा आँखा ठोकिन्छ । राजधानीसहित ललितपुर र भक्तपुरका भित्ताहरु अचेल रंगीन देखिन्छन् । विभिन्न स्वरुपमा देखिएका चित्रहरुले सजिलै ध्यान आकर्षण गर्छन् ।  भित्तामा कोरिएका चित्रहरुले सिर्जनात्मक स्वरमात्र दिएका छैनन्, कुनै अभियान, कुनै विरोध र कतै व्यङ्ग पनि बोलिरहेका छन् । मूर्त र अमूर्त दुबै चित्रले धेरै कुरालाई अर्थाएको पनि छ । कतै राजनैतिक दलका नाराले फोहोर भएका भित्ता चित्रकलाले सफा गरेको छ भने कतै कोरिएका चित्रमाथी पोष्टर टाँस्ने र निकाल्ने कामले भित्ता झनै फोहोरसमेत भएको छ । त्यस्तै कुनै भित्ता त चित्रकै कारणले पनि सफा देखिदैन् । हेरौं पैदल यात्रा गर्दा सोह्खुट्टेबाट अफिस सुन्धारा आउँदा खिचिएका भित्ताका तस्विरहरु (एउटा ललितपुरमा) । यी तस्विरहरु नोकियाको एन ८ मोबाइलले खिचिएका हुन् ।